NGANGGONE BLANGKON, UDU HELM

Neng Minggu esuk sing terang, Saino nunggang montor momong anak lanange sing aran Jebeng agepan meng alun-alun. Gole nunggang montor si Saino ora helm-an, ningen blangkonan.
Agi kepenak-kepenake nunggang montor liwat gili sing gemleser, ijig-ijig si Saino decegat kambi PULISI sing esuk kuwe pancen agi nganakna cegatan..

PULISI : “Sugeng enjing Pak…!”.

SAINO : “Enjing ugi Pak…!”.

PULISI : “Pak, kenangapa deneng mpean ora nganggo helm…?. Mbokan wis ngerti praturane wong nunggang montor kuwe wajib nganggo helm…?”.

SAINO (ora wedi babar pisan) : “Oh, ayakuwe ya Pak… Ningen inyong mbokan wis blangkonan…?”.

PULISI : “Ningen praturane kudu nganggo helm, ora kena sing liyane..!”.

SAINO : “Blakan bae inyong ora setuju kambi praturan kuwe Pak..!”.

PULISI : “Lho, deneng si..?”.

SAINO : “Siki nyong agepan takon, helm kambi blangkon kuwat mendi jajal…?”.

PULISI : “Mpean kepriwe si…? Ya cetha kuat helm lhaaa… Mulane njutan dewajibna helm-an..!”.

SAINO : “Pak Pulisi ya salah…!”.

PULISI : “Kepriwe si…?”.

SAINO : “Kiyeh.. (njukut helm-e pak Pulisi) Jajal kiye agep tek banting meng aspalan, butul sepira kekuatane…!”.

BRAKKK…!!!
Helm-e pak Pulisi sekal pecah, malah sigar dadi loro.

SAINO : “Kuweh.. Pecah mbokan Pak…?”.

PULISI : (ndongong)

SAINO : “Siki gari blangkone inyong sing tek banting meng aspalan Pak..!”.

TAPLUKKK…!!!
Blangkone si Saino wutuh ora bodhol semendhing-mendhinga mung mandan belok kena lebuh neng aspalan…

SAINO : “Kuweeeh… Iya mbokan…?”.

GEDHUBRAAAGG…!!!

Pulisine sekal tiba kelumah, kejengkang kosi ngathang-ngathang…

Hé…hé…hé…
grin emoticon

kabare BRALINK
tabloide wong Purbalingga

Diposting daning Kang Agus Waluyo