Gunung Slamet

0
71
Gunung Slamet

Gunung Slamet.Dulur-dulur papeling , inyong yakin panjenengan wis mesti pirsa Gunung Slamet sing njenggereng nang saklorkulon  Kota Purbalingga  kuwe  gunung paling duwur dhewek  se Jawa Tengah. Duwure sekiye  lewih sekang 3.400 meter. Klebu gunung geni sing isih aktif, dadi duwure sethithik-sethithik tansaya tambah. Gunung Slamet  nomor loro paling duwur se Pulo Jawa sakwise gunung Semeru nang Jawa Timur.

Gunung Slamet paling ora manggon nang 5 Kabupaten. Utawa, gunung slamet kuwe duweke wilayah 5 kabupaten nang Jawa Tengah. Yakuwe Kab. Brebes, Kab, Tegal, Kab, Pemalang, Kab Purbalingga lan Kab Banyumas. Tegese uga, Gunung Slamet kuwe ngayomi lan dadi penguripane warga nang 5 kabupate mau.
 “ Gunung Slamet nan Agung, nampak jauh disana, jadi sumber kehidupan Tirtakencana”, kuwe sepenggal syair lagu Ditepinya sungai Serayu karya pujangga Banyumas Ki Suteja.
Kangone inyong rika sing asale sekang Purbalingga utawa Braling, Gunung Slamet seliyane dadi sumber penguripan, uga dadi papan plesiran (pariwisata) sing monjo nang Banyumas lan Purbalingga  Nang Banyumas ,ana Baturaden, Pancuran Pitu, Wana Wisata, Curug Gede, curug Caheng, Curug Cipendok, an liya liyane maning Lha angger nang Purbalingga, sapa baen wisatawan sing arep munggah maring puncrite Gunung Slamet, dalan sing paling kepenak ya kudu sekang Bambangan, Karangreja nang Purbalingga
Sing ora bisa dibantah maning, Gunung Slamet nganti saiki isih dadi sumber mata air kanggo sebagian kawulo ing 5 wilayah kuwe. Mbuh langsung utawa ora langsung.  Contone, Kabeh perusahaan air minum nang kukuban 5 kabupaten, isih ngendelaken sumber banyu sing mata air-e sekang gunung slamet.
Seliyane kuwe, alas sing nang sekukubane gunung Slamet isih tetap dadi panggonan penguripane flora dan fauna  uga plasma nutfah langka.  Nang kukuban gunung Slamet isih sok ketemu macan jawa sing dilindungi, ayam alas, ula lan tanduran alas liyane sing isih kudu dilindungi.
Mulane kuwe mayuh sih dulur-dulur, awake dewek wong Purbalingga se kukuban   bareng-bareng njaga lan ngrawat Gunung Slamet sak isine. Aja dirusak. Marge nek nganti Gunung Slamet rusak, gunung kuwe bisa “Ngamuk”. Pengamuke gunung Slamet bisa nggegirisi. Embuh kuwe njebluk utawa  nangis sing arupa banjir bandang, amargo gununge digunduli nang wargae. Sing jelas, gunung slamet kuwe gunung kebanggaane warga Purbalingga lan kanca-kanca Papeling. Mulane  kudu dirumat lan dijaga aja nganti rusak. Aja nganti gununge ngamuk.
Gunung Slamet sing duweke limang Kabupaten, klebu Kabupaten Purbalingga, saiki didadekaken minangka obyek wisata. Saben wulan Juni nganti September, wisata Gunung Slamet tansaya rame dipanjat dening para pecinta daki gunung (mountainering). 
Manut warga Karangreja sing sering nuntun para pecinta pendaki gunung maring gunung Slamet, manjat gunung Slamet angger nurut aturan, diyakini aman tur nyenengaken. Mulae kuwe, nang Desa Serang, lan grumbul Bambangan desa Kutabawa (Desa paling duwur nang Gunung Slamet), warga tansah siap angger dikon dadi penunjuk jalan dening para pendaki. 
Klilan…..
Dopokan Dening:Tri Rasaman
De kirim Dening:Demang Papeling.

LEAVE A REPLY

Please enter your comment!
Please enter your name here