Home » » Seni Karawitan Banyumasan

Seni Karawitan Banyumasan

Written By Darmanto on 03/11/11 | 07.35

               Ricik-Ricik Banyumasan




Ricik gemricik grimise wis teka sedela maning
Bapake wis teka nyong kaget
Aduh rika mbekta napa
Bungkus pethak niku isi napa



Kiye gendung leh oleh kang larang pitukone
Pinten pitukone pak,
Kula sagah pak, sagah pak mawon
lha iya Tampakena gendung aja bosen
eh tobil Jebulane gambare
calone kangmase


Rama rama jaluk madhang lawuh uyah
Moh madhang lawuhe uyah rama jaluk bojo sing dadi lurah
Rama rama, jaluk madhang lawuh trasi
moh madhang lawuhe trasi rama
Jaluk bojo sing dadi pulisi
Rama rama, jaluk madhang lawuh tahu
moh madhang lawuhe tahu rama
Jaluk bojo sing dadi bau 


Rama rama, jaluk madhang ajang godhong
moh madhang ajange godhong rama
Jaluk kanca sing gotong royong
Rama rama, jaluk madhang lawuh kripik
moh madhang lawuhe kripik rama
Jaluk bojo sing dadi dadi carik


Wakul kayu cepone wadah pengaron
Kapanane ketemu pada dewekan
Turi rawa kulintang kembang kuyanti
Kurang dangan goleti sing eman maning
Dongkel gelang dening ebung alang alang
Wis ajege wong lanang gede gorohe
Lisus kali kedung jero banyu mili
Meneng soten atine bolar baleran


By:Mukhyono

Share this article :
Comments
2 Comments

+ komentar + 2 komentar

3 November 2011 12.12

Salah sawiji lelagon gending Banyumasan sing agi digarap nang Grup Karawitan Gagrag Papeling

3 November 2011 20.48

Amiiin mas Yono,moga sukses lan lancar sekabehane termasuk dukungan dana lan liane ya kang heheheee...

Posting Komentar

 
Design by: Darmanto.com - Copyright © 2011. Paguyuban Perantau Purbalingga - PAPELING
Powered by Blogger